Vinathi Pathram: వ్యాయామ ఉపాధ్యాయుల పనివేళలను సవరించాలి

• పాఠశాల విద్య డైరెక్టర్కు ఒంటేరు లేఖ 

వివిధ ప్రభుత్వ పాఠశాల యాజమాన్యాలలో పనిచేస్తున్న ఫిజికల్ డైరక్టర్ల పాఠశాల పనివేళల సమయాన్ని సవరించాలని ఉపాధ్యాయ సంఘాల సమన్వయ వేదిక రాష్ట్ర గౌరవాధ్యక్షులు ఒంటేరు శ్రీనివాసులరెడ్డి విజ్ఞప్తి చేశారు. ఆదివారం ఈ మేరకు పాఠశాల విద్యాశాఖ సంచాలకులు వాడ్రేవు చినవీరభద్రుడుకు ఒక లేఖ రాశారు. కొత్త ఉత్తర్వుల ప్రకారం ప్రతిరోజు ఉదయం 8 నుంచి సాయంత్రం 5.30 గంటల వరకు పనిచేస్తూ మధ్యలో ఉదయం 11.30 నుంచి మధ్యాహ్నం 2.30 వరకు పనివేళల్లో మినహాయింపు ఇచ్చారని, అయితే ఈ పనివేళలు గ్రామీణ ప్రాంతాలలో ఉన్న పాఠశాలల్లో ఆచరణ సాధ్యం కాదని పేర్కొన్నారు.